बुटवल, ५ फागुन । रुपन्देहीको रोहिणी गाउँपालिकाको कार्यपालिका बैठकमै वडा नं २ का अध्यक्ष करम हुसेन खानले शिक्षा, युवा तथा खेलकुद शाखाका प्रमुख मधुप्रसाद घिमिरे माथि हातपात गरेका हुन् ।
घिमिरेमाथि हातपात भएको कर्मचारीहरूको भनाइ छ । गाउँपालिकामा कार्यरत कर्मचारीहरूले विज्ञप्ति जारी गर्दै दोषीमाथि कारबाही नहुँदासम्म काममा नफर्कने समेत अडान लिएका छन् । रोहिणी गाउँपालिका रुपन्देहीको कार्यालयमा कार्यपालिका बैठक सञ्चालन भइरहेको अवस्थामा घिमिरेमाथि हातपात भएको जनाइएको छ ।
घिमिरेले वडाध्यक्ष खानले हातपात गरेको आरोप लगाएका छन् । यता वडाध्यक्ष खानसँग खबरखाता सम्पर्क गर्न खोज्दा मोबाइल फोन अफ रहेको थियो ।