लुम्बिनी, २६ असोज । लुम्बिनीमा शान्ति एवं सुगति पाठ गरिएको छ ।
नेपालमा शान्ति तथा सुरक्षाको कामना एवं जेन्जी आन्दोलनमा दीवंगत हुनुभएका सम्पूर्णको सुगति र घाइतेहरुको शीघ्र स्वास्थ्यलाभको कामना गर्दै शान्ति एवं सुगति पाठ गरिएको हो ।
लुम्बिनीको मायादेवी मन्दिर परिसरमा आज साझआयोजित पाठमा विभिन्न भिक्षु, लामा, आनी, गुरुमा तथा विभिन्न क्षेत्रका व्यक्तिहरु सरिक हुनुभएको संयोजक डा.माणिक रत्न शाक्यले जानकारी दिनुभयो ।  
शान्ति एवं सुगति पाठ गर्दै गत भदौ २३ र २४ गते भएको आन्दोलनमा ज्यान गुमाउनेहरु सुगतीको कामना गरिएको र घाइतेहरुको शीघ्र स्वास्थ्यलाभको कामना गरिएको उहाँले बताउनुभयो ।
आन्दोलनपछि देशमा देखिएको अन्यौलताको अवस्थाको अन्त्य एवम  दिगो शान्ति र सुरक्षाको कामना समेत गरिएको छ ।