कालिगण्डकी करिडोर पहिरोले अवरुद्ध

खबर खाता

प्रकाशित मिति : सोमवार, असार २, २०८२

गुल्मी,२ असार । गुल्मी जिल्लाको कालिगण्डकी गाउँपालिका(६ बर्लबामा आज दिउँसो पहिरो खस्दा कालिगण्डकी करिडोर सडक पूर्णरूपमा अवरुद्ध भएको जिल्ला प्रहरी कार्यालय गुल्मीले जनाएको छ ।प्रहरी चौकी भुर्तुङका अनुसार सडक अवरुद्ध भएको खबर प्राप्त हुनासाथ प्रहरी सहायक निरीक्षक देव बहादुर भुजेल नेतृत्वको टोली परिचालन गरिएको छ ।
तर पहिरो झरिरहेकाले तत्काल सडक खुलाउने कार्य सुरु गर्न नसकिएको प्रहरीको भनाइ छ । प्रहरीका अनुसार पहिरो झर्न रोकिएपछि मात्रै सडक खुलाउने कार्य अघि बढाइने छ ।