प्रतिनिधिसभा बैठक बस्दै, यस्तो छ कार्यसूची

खबर खाता

प्रकाशित मिति : बिहिबार, जेष्ठ १, २०८२

काठमाडौँ,१जेठ । सङ्घीय संसद् प्रतिनिधिसभाको बैठक बिहान ११ बजे बस्दै छ ।बैठकमा अन्तर्राष्ट्रिय सम्बन्ध र पर्यटन समितिका सभापति राजकिशोर यादवले ‘अन्तर्राष्ट्रिय सम्बन्ध र पर्यटन समितिको वार्षिक प्रतिवेदन २०८२’ पेस गर्ने सम्भावित कार्यसूची छ ।
कानुन, न्याय तथा मानव अधिकार समितिका सभापति विमला सुवेदीले ‘कानुन, न्याय तथा मानव अधिकार समितिको वार्षिक प्रतिवेदन, २०८१/०८२ पेस गर्ने कार्यसूचीमा उल्लेख छ । बैठकमा विनियोजन विधेयकका सिद्धान्त र प्राथमिकतामाथिको छलफल जारी रहनेछ ।