काठमाडौँ ६ माघ । आगामी फागुन २१ गते हुने प्रतिनिधिसभा निर्वाचनको तयारीका लागि भारत सरकारले नेपाललाई पहिलो चरणमा ६० भन्दा बढी डबल-क्याब पिकअप चुनावी सहयोग हस्तान्तरण गरेको छ । भारतले नेपाललाई निर्वाचनसम्बन्धी सहयोगको पहिलो खेप उक्त सवारी साधनहरू प्रदान गरेको हो।
गृह मन्त्रालयमा आयोजित एक समारोहमा नेपालका लागि भारतका कार्यवाहक राजदूत डा। राकेश पाण्डेले गृहमन्त्री ओमप्रकाश अर्याललाई उक्त सवारी साधनहरूको साँचो हस्तान्तरण गरेका हुन्।
गृहमन्त्री अर्यालले उपहारस्वरूप प्राप्त सवारी साधन तथा सामग्रीका लागि भारत सरकार र भारतीय जनताप्रति धन्यवाद व्यक्त गरे। उनले भारत र नेपालबीचको गहिरो सम्बन्धको पनि सराहना गरेका छन्।
नेपाल सरकारको अनुरोधमा भारतले सन् २००८ देखि नेपाललाई निर्वाचनसम्बन्धी सहयोग उपलब्ध गराउँदै आएको छ।
आगामी निर्वाचनका लागि भारतले उपलब्ध गराउने सहयोगमा करिब ६५० सवारी साधनहरू छन्। बाँकी केही हप्तामा विभिन्न ब्याचमा उपलब्ध गराइने भारतीय दूतावासले जनाएको छ।